Համակարգիչը  ստեղծված է  ինֆորմացիան պահպանելու, մշակելու և պահանջվող տեսքով արտաբերելու համար: Համակարգիչը հիմնականում  բաղկացած է երեք սարքերից `

  •             համակարգչային բլոկ
  •             մոնիտոր
  •             ստեղնաշար (keyboard):

Ցանկության դեպքում այս նվազագույն կառուցվածքը կարելի է ընդարձակել լրացուցիչ սարքերի հաշվին,որոնք միանում են համակարգչային բլոկին`  հատուկ բնիկների միջոցով (իհարկե համապատասխան գործարկող ծրագրերի ուղեկցությամբ):

Ինֆորմացիան մեքենայի մեջ ներկայացվում է թվային տեսքով` 2-ական համակարգում:  Ինֆորմացիայի նվազագույն միավորն անվանում են Bit (բիտ), որը կարող է ընդունել  0 կամ 1 արժեք:

8Bit = 1Byte: Մեկ Byte-ով կարելի է ներկայացնել ցանկացած սիմվոլ` տառ , թվանշան կամ  որևէ   այլ  նիշ:

  •           1024 B =1 KB              B-Byte
  •           1024 KB =1 MB           K-Կիլո(103)
  •           1024 MB =1 GB           M-Մեգա(106)

ԻՆՉ Է ՖԱՅԼԸ ԵՎ ԹՂԹԱՊԱՆԱԿԸ

Ֆայլը երկարատև հիշողության որևէ սարքի վրա ստեղծված էլեկտրոնային գրառում է` հավաքածու, որի հետ աշխատում է օպերացիոն համակարգը: Ֆայլն ունի անվանում և ընդլայնում` (օրինակ ` Text.doc) ցույց տալու համար ֆայլի նշանակությունը կամ այլ կերպ ասած` նրա ստեղծման նպատակը: Ֆայլի անվանումը կարող է պարունակել   մինչև  255 սիմվոլ` լատինական տառեր, թվեր, նշաններ, բացառությամբ` \, /, :, *,  “”, ?, <, >, !  նիշերի:

Թղթապանակը  տարածք է երկարատև հիշողության որևէ սարքի վրա, որտեղ  պահվում են ծրագրեր և փաստաթղթեր:

Երկարատև հիշողության սարքերը նույնպես իրենցից ներկայացնում են թղթապանակներ: Օրինակ` կոշտ սկավառակը և ճկուն սկավառակը համապատասխանաբար անվանում են` C: և A: :

Թղթապանակի անունը գրվում է  ֆայլի անվանման նման: Թղթապանակը նշելու համար մկնիկի ձախ կոճակով մեկ անգամ սեղմել թղթապանակի վրա: Թղթապանակը բացելու համար կարելի է  մկնիկի սլաքը տեղադրել թղթապանակի վրա և կատարել կրկնակի սեղմում մկնիկի ձախ կոճակի վրա:

WINDOWS

Համակարգչի բեռնավորվելուց հետո  էկրանին հայտնվում է աշխատանքային սեղանը` Desktop-ը, որտեղ սովորաբար տեղադրվում են առաջին անհրաժեշտության  թղթապանակները:

My computer Պարունակում է սկավառակների  ցանկն իրենց ողջ բովանդակությամբ և համակարգչի գործունեությունը ղեկավարող ծրագրերի հավաքածուն:

Network  Neighborhood        Ապահովում է համակարգչային ցանցերի հետ աշխատանքը (ցանցերի առկայության դեպքում):

Internet Ինտերնետը ինֆորմացիոն տարածք է, որն  ապահովում  է հեռահար համակարգիչների հետ տվյալների համատեղ օգտագործումը և  ինֆորմացիայի տարածումը:

Recicle Bin Նախատեսված է  ժամանակավորապես հեռացված ֆայլերի ու թղթապանակների պահպանման համար և  ունի դրանք վերատեղադրելու ընդունակություն:

Էկրանի ներքևի մասում տեղադրված է  խնդիրների  պանելը` Taskbar-ը ,որի ձախ կողմում  նկատելի է  Start  մենյուն:

ՊԱՏՈՒՀԱՆԻ ԿԱՌՈՒՑՎԱԾՔԸ (Window)

Պատուհանն ունի գլխամաս, որի ձախ անկյունում գրվում է պատուհանի անունը:

Նրա աջ մասում կա երեք կոճակ.

Պատուհանը փոքրացվում է  և տեղադրվում  խնդիրների պանելի (Taskbar) վրա:

Պատուհանը բացվում է ամբողջ էկրանի չափով:

T Պատուհանը փակվում է:

Գլխամասի տակ գտնվում է  Menu-ի տողը (File, Edit և այլն): Մենյուները պարունակում են հրամաններ: Մենյուի հետ աշխատելու համար  անհրաժեշտ է նրա վրա սեղմել մկնիկի ձախ կոճակով:

Մենյուների տողի տակ գտնվում է  գործիքների պանելը, որը պարունակում է մենյուների հաճախ  գործածվող  հրամանների կոճակները:

Powered by Facebook Comments

www.qezhamar.com - Ամեն ինչ քեզ համար
Կարդացել են՝ 3808 անգամ:

Մեր փոստատարի միջոցով ստացեք նոր նյութերը Ձեր էլ-հասցեին: