Ժամանա՛կ, դու խաղում ես ինձ հետ: Դու խաբում ես ինձ, Ժամանա՛կ: Դու ինձ չես սիրում: Դու խաբում ես ինձ: Դու հավատացնում ես, թե արժանի եմ քեզ, բայց դու խաբում ես: Ժամանա՛կ, դու ինձնից վեր ես: Դու չես սիրում ինձ: Ժամանակ, դու ինձ չես սպասում: Դու սպասել չգիտես: Դու ինձ չես սիրում: Դու լսու՞մ ես ինձ: Դու լսում ես: Գիտեմ` լսում ես: Բայց անտարբեր ես, Ժամանակ: Չես սիրում ինձ: Ես քեզ հավատում էի, Դու ինձ խաբեցիր, Ժամանակ: Ժամանակ, դու ինձ ձե՞ռք ես առնում: Չէ, չէ, դու ինձ չես սիրում: Դու անտարբեր ես: Սպասիր, Ժամանակ, դու ինձ չե՞ս լսում: Թող, խոսեմ, մի գնա:

Ժամանակը (այսուհետ` Նա) գնաց:

Ախր ես գիտեմ, որ Նա ինձ սիրում է: Ինչու՞  եմ տանջում ինձ: Գիտեմ, որ չի գնացել, ինձ հետ է, կողքիս է, չե՞մ լսում նրա շնչառությունը: Չե՞մ զգում նրա հոտը: Չե՞մ լսում: Տըկ.. տըկ.. տըկ… Նա ինձ հետ է, իմ կողքին է: Նա իմ մասն է, իմ մեջ է, չի կարող հեռանալ:  Հանգստացի՛ր, Նա ինձ սիրում է, Նա չի խաբում ինձ: Նա իմ կողքին է, Նա իմ մի մասն է, նույնիսկ` ոչ կողքիս: Նա՝ Ես եմ ու Ես եմ Նա: Ես եմ Ես ու Նա է Ես ու մենք միասին ենք շարժվում: Ու մենք ենք Եսը, Եսը ու Ժամանակը: Ու պիտի լինի Մենք: Ու կա միայն Մենք, ու չկա մենք, կա միայն Մենք:  Ու կա կատարյալ ներդաշնակություն.. մի դարձած Ես, Ես ու Ժամանակը: Մենք՝ դարձած Ես, Ես ու Ժամանակը:

Ու էլ չենք վիճում Ես ու Ես: Մեզ միավորեց Ժամանակը ու ձուլեց իր մեջ ու ձուլվեցինք Մենք…. Ներդաշանակ ու խաղաղ… Սեր ու Սեր ու Սեր ու Մենք.. Ես, Ես ու Ժամանակը.. ու Մենք… ու Սեր…

 

Դիտեք նաև:

Powered by Facebook Comments

www.qezhamar.com - Ամեն ինչ քեզ համար
Կարդացել են՝ 1166 անգամ:

Մեր փոստատարի միջոցով ստացեք նոր նյութերը Ձեր էլ-հասցեին: